سكرب طبيعي
في الصيف كلنا بنحتاج سكرب لبشرتنا ، وعلشان بنحتاجه كتير بيستحسن يبقى طبيعي علشان مانجهدش بشرتنا بكيماويات كتير وكمان مانرهقش جيوبنا :))
احلاهم واروعهم للبشرة:
نص لمونة وشوية سكر
بتغمسي نص الليمونة في شوية سكر خشن وياريت لو سكر بني وتدعكي بيها وشكل بشكل دائري وتشطفيه وتمسحيه بعدها بقطنة مبللة بماء ورد بارد من التلاجة وادعيلي .
شوفان وخميرة:
معلقة صغيرة خميرة جافة ونص معلقة صغيرة سكر ومعلقة كبيرة شوفان وشوية ماء ورد للعجن ، تعجنيه وتفرديه علة وشك 10 دقائق ثم يفرك ويشطف بماء فاتر ويمسح بماء ورد بارد .
زيت زيتون وملح خشن ، ممتااااااز وبينعم ويورق جدا وياسلام بقى لو بعد ماتعملي وشك فتله واظبتي على الخلطة دي هتلاحظي ان شعر وشك ابتدى يخف جدا ويتأخر في الظهور مرة اخرى .
