دلعي شعرك وخليه زي الحرير

كلنا محتاجين نعتني بشعرنا حتى لو كان ناعم ؛ لأن عوامل الجو والتلوث بينشفوا الشعر ويخلوه باهت فاقد لبريقه...
والنهاردة جايبالكم مجموعة حلوة قوي ، بتخلي الشعر ناعم وبيلمع وطري جداااا...

أولا/ زيت الثوم "كازانوفا"

سعره 22 جنيه

صناعة سعودية

ماتخافيش ريحته حلوة وعادية ، يحتوي على زيوت وفيتامينات طبيعية بيغذي الشعر وكمان بيعالج القشرة.

بتعمليه حمام زيت مرتين في الاسبوع لمدة شهر ، ثم مرة واحدة في الاسبوع لمدة شهر.

أفضل طريقة لحمام الزيت:

بتدفيه في حمام ماء ساخن وبتدلكي بيه فروة الرأس والشعر حتى الاطراف ، ثم تلفيه ببلاستيك حفظ الطعام (كلينج فيلم) لمدة ساعتين ، ثم يغسل جيدا بالماء الدافئ والشامبو.

ثانيا/ ماسك "جليس" الألماني للشعر

سعره 53 جنيه

بيعالج مشاكل الشعر وبيخليه ناعم وحيوي وصحي

ودول افضل 3 أنواع

الروز دة لتنعيم الشعر مثل الحرير

والاحمر للشعر المصبوغ

الأبيض عناية مركزة للشعر التالف والجاف 

ودة ممتااااز جداااا

بعد ماتغسلي شعرك بالشامبو نشفيه بفوطة ، وخطي كمية مناسبة من الماسك على شعرك واتركيه ربع ساعه ثم اشطفيه جيدا ، يستخدم مرتين اسبوعيا.

بعد ماتدلعي شعرك وتهتمي بيه اكيد هتلاقي فرق كبير.

حبي شعرك واهتمي بيه وعامليه برفق ، بلاش العنف اللي بنعامل شعرنا بيه دة وصدقوني هتحسوا بفرق كبير.